شبكة ومنتديات ايجى تريك

nimbuzz , room , flood , flooder, hacker , hack , black , hacker , bombus , exodus , ,bookmarks , Bombus , Bombusmod , Nimbuzz , hack , Hacker , Hacking , PC , Gajim , Pandion , xmpp , Apple MacOS , Console


    كيف تصبح مثقفا في اسبوع

    شاطر
    avatar
    yamamahe
    مشرف
    مشرف

    عدد المساهمات : 302
    نقاط : 453
    تاريخ التسجيل : 06/12/2010
    العمر : 47
    المزاج المزاج : رايق عال

    default كيف تصبح مثقفا في اسبوع

    مُساهمة من طرف yamamahe في الأحد يناير 16, 2011 9:56 pm

    كيف تصبح مثقفا في اسبوع؟!
    اتبع النقاط التاليه وانضم إلى عالم المثقفين :
    1- البس غترة وامحط اللحية والشنب.
    2- إذا سالك احد من تسمع له قل لفيروز وشادية حتى لو انك ماتسمع إلا لمزعل وسعد جمعه.
    3- إذا قالوا لك من شاعرك المفضل قل محمود درويش وأدونيس حتى لو أنك ماتقراء إلا"لضيدان بن قضعان وسعد بن جدلان"
    4- ابتعد عن المباشره بالكلام واعمد إلى "التعفيط"و"التمطيط" وبدل ماتقول "في البدايه"قل"بادىء ذي بدء"وبدل ماتقول "وهذا يدل على " قل "وهذا ان دل فأنما يدل على " لاتقعد تقول مشوار ومدري ايش ..لازم تصبر وتحمل ..ترى الثقافه مهيب سهلة !!.
    5- إذا كتبت مقالا فلازم تطعمه ببعض الكلمات الرنانه واللي مالك غنى عنها مثل "الراديكاليه والإمبرياليه والليبراليه والديماغوجية والميكافيليه" ولاهوب لازم تحطها وأنت تكتب المقال لا.. أبد اذا قضى المقال فلفظ هنا فيه كلمة منا وكلمة مناك، الين يقضن،وإن ماكتبت منهن شي تراك من جنبها في الثقافه لو تحفظ سبعمية ألف كتاب وتقراء ثمانمية الف موسوعه وانتبه ليًَك تقول "الرأسماليه والاشتراكيه والقوميه "ترى ذا الكلمات حقات مثقفين منول ..اما هالحين ماعاد يوكلن عيش .
    6- كثر من الكلمات التي تنتهي بـ"قراطيه " مثل الديمقراطيه والبيروقراطيه والاستقراطيه ولاتوقراطيه التيوقراطيه" واذا انزنقت "فخربط "لك أي كلمة واختمها بـ"قراطيه "مثل التبوقراطيه والخنبقراطيه والخربواقراطيه ولاتخاف مافيه احد يبي يسالك ويقول وش معنى ذا الكلمه عشان ماينكشف "جهله" ويدرون الناس انه مهوب مثقف.
    7- خربط لك أي كلام بس بشرط أنه يكون "مبهم"وغير مفهوم واهم شئ اكتب فوقه "شعر فلان بن فلان"عشان يعرفون "القراء" إنه شعر حداثي لايحسبونه مقال او روايه.
    8- انتبه ليك لا تؤرخ بالهجري حتى لو كان هو تاريخ المسلمين ترى المثقفين مايؤرخون إلا بالميلادي ويفضل بعد انك كتبت قصيده حداثية تكتب الشهر كتابة مهوب رقم زي كذا"مارس 2004،ابريل 2005،حزيران 2006"اما ذا الشهر حق مثقفين بقوه وينصح بعد انك تحط تحت التاريخ اسم اي عاصمه اوربيه"لندن ، جنيف، باريس"حتى لو انك كاتب القصيده بحريملاء ولا بشقراء.
    9- اذا جاء معك مقابله في التلفزيون "حش"في الشعر الشعبي وشرشحه حتى لو انك تحبة وقل انه شعر البسطاء والعامه والدهماء وانه معول من معاول هدم اللغه ولا بد من اعلان الحرب عليه دون هوادة!!.
    10- اذا سالك احد وش الجرايد اللي تقراهن انتبه لا تقول له الجزيره ولا الرياض!!عشان مايدري انك قروي لا..قل له الحياة والشرق الاوسط والاقتصادية حتى لوانك مابعد شفتهن "على الطبيعه" .. بس لزوم الثقافه.
    11- اذا قالك احد وش الاجواء اللي تجد فيها نفسك لاتفضحنا وتقول اذا جلست مع اهلي والا اذا طلعت للبر والا اذا صرت اضبب!!لا ياحبيبي ،قل له انا تأسرني الليالي البيروتيه المقمره وخصوصا في فصل الخريف حتى لو انك ماتفرق بين الخريف "والمربعانيه".
    12- لاتحاول دايم انك تفلسف وتلف وتدور في كل شئ وفي كل اجابه حتى لو ان الجواب حرفين خله عشر سطور وكثر من الكلمات اللي ماتفهمها عشان مايفهمونها الناس ويتأكدون بما لايدع مجالا للشك إنك من كبار المثقفين




    بيـــــن ريتـــا و عيـــــونـــي بـــندقـــيـــة
    مـــــن يعـــــــــــــــــرف ريتـــــــــــــــــا ينحني و يصلي

      الوقت/التاريخ الآن هو الأربعاء ديسمبر 13, 2017 10:54 pm